منتديات عشاق برشلونه
اهلا وسهلا بالزائر الكريم
ان كنت مسجل معنا نتشرف بدخولك
وان لم تكن مسجل لدينا نتشرف بتسجيلك
وانضمامك لاسرة المنتدى عشاق برشلونه

تحيات

الادارهـ

منتديات عشاق برشلونه

منتدى رياضي وثقافي واجتماعي وترفيهي يختص بجميع امور حياتنا اليوميه اخوكم فراس الكتلوني
 
الرئيسيةاليوميةس .و .جبحـثالأعضاءالمجموعاتالتسجيلدخول
اهلاً وسهلاً بكم بمنتديات عشاق برشلونه يسعدنا تسجيلكم في منتدانا اخوكم فراس الكتلوني

شاطر | 
 

 ابو ذيـــــــــــــــ حزينه ـــــــــــــااااااات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عمارالكواسر
برشلوني جديد
برشلوني  جديد
avatar

عدد المساهمات : 12
التقييم : 31084
النشاط : 0
تاريخ التسجيل : 20/07/2009
العمر : 31
الموقع : عراق اليوم

مُساهمةموضوع: ابو ذيـــــــــــــــ حزينه ـــــــــــــااااااات   2009-07-20, 2:03 pm


أحبابي اشنـون حــالتــكم بعدنا

اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه
***********************
مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
**********************
أتلعثم من أشوفــــــــن وسطك أنا
أومنوا لوشوش بذانك واسطك أنا
تقلي ويــنك أنتــــــــه وسطك أنا
تــدور بــالنـبـض تـعـــــثر عليه
********************
احبك ما أحب عل الأرض سواك
سبحان الذي من طــــــــين سواك
بشر لكنه ويال القــــــــمر سواك
واحد فوق واحد بــــــــــين ايديه
*********************
أشنون الروح اكضها من تهم بيك
أو مثل تهمه حبـيــبي من تهم بيك
الضيم اليمر بــــــيا منته تهم بيك
ولاجنك وأنا مبـــــــــــــين عليه
**********************
أصد وازعل وادير العين طبعان
لجن لجمات إلك بالقلــب طبعان
حلو بكلشي لكن بيــــــك طبعان
تـشــــك وتــغار بيــــــــها عليه
**********************
أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــنون بيه
**********************
بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحقني بالشفا قبــــــــل المنيه
**********************
نفس ونريد شمـك ياهوانا
العمر ذله ابغيابك ياهوانا
أتيه الروح يمــك ياهوانا
خيالك مرهم ودلاها عليه
***********************
حبيبي اختارك الــــدلال واشراك
عجب تحفر حفر لهواك واشراك
وحق مني الاله إنـــــداد واشراك
أحبك لو تصير احــــــــزاب إليه
***********************
نقل طرف الجذيله وحـــــيل يرها
حجي الغالب على المغلوب يرها
أنا روحي أشعره والمجنون يرها
لون عــــاقـل تــرك منـــها بـقـيه
***********************
حبيبي اديارنا لـــــــوجيتوا مرها
أونفسك عالوفـــــا والطيب مرها
أنا عشرتك ضقت حلوتها ومرها
بويا طلع مــــرها أمر امن المنيه
***********************
أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
قمت صليت من غــصبن عليه
**********************
جمالك زاد عن يوســف وقبله
وحبك صار لي منــــــبر وقبله
أمر أعلى الصخر يافلان وقبله
لأن قلبك صخر مـــــاحن عليه
***********************
يدنيا انتي ابعدابي ليــــــش تسعين
ابعزم الله إشماعندش ضيج تسعين
اخوتي ابيوم ضرفي حــلو تسعين
بعد ما ادري الوقت مــامنهم بجيه
***********************
أبعز نومي إجى طيفك وعاني
أنا وشكثر أتحملت منك وعاني
إجيتك أومعتني إبدارك وعاني
ولامــره إجـــيت انـــــته عليه
**********************
اشمالك يازماني عـلي صليت
ابنار وحمسيت اجلاي صليت
مثل ماصلت ام عمران صليت
فنكحني الهوه وذبــني بنويه
***********************
المصايب بس على روحي تلافت
يقلبي اعله النكر طيــبك تلافت
اون وعطامي بهــجرك تلافت
طريح وســاد دوب النفس بيه
***********************
يدنيا إشمال دولابج يناحي
ومن الصوبين كسرتي جناحي
أنا الكنت أمر وناهي
صرت شبوط والفالات بيه
**********************
أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه
*****************

بغرامك تيهت اصلي وجدي

لان ماتعرف مزاحي وجدي
اباب اهلك لريد اكعد واجدي
بلكت ينكسر كلبك عليه

****************
حبيبي الشوك لا تكطع وصاله
الك بالكلب كم غرفه وصاله
نجوى تروحلك فدوه واصاله
ولجل عينك لطيفه التونسيه

************************
عكب طيب الليالي مرمرني
سنين السعد راحن مر مرني
كوس الشهد زادي مامرني
حنضل صارن بفركا الاحباب
************************
غاب الكمر من شافك ولا هل
ولغيرك ما نزل دمعي ولا هل
مالي دار من بعدك ولا هل
عزيز ويصعب فراكك عليه
*********************
شعره مخربط مفلفل فلافل
وكلبي مجلب بكلبة فلا فل
اذا يتغدة محبوبي فلافل
لو ياكل كباب شلون بيه
**********************
لاجل عينك اصير رماد وانذر
ولشوفتك اطش جكليت وانذر
اذا فد يوم اصيرن حكم وانذر
اشيل احمر طرد مو بيك بيه

*************************
ذبل هرش الكلب بعدك و خاوة
و طمع ما ردت من عندك و خاوة
الفخر مو للذي عاشر و خاوة
الفخر و الطيب لليذكر خويه
*********************************************

ذبل هرش الكلب بعدك و خاوة

و طمع ما ردت من عندك و خاوة
الفخر مو للذي عاشر و خاوة
الفخر و الطيب لليذكر خويه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فراس الكتلوني
مؤسس منتديات عشاق برشلونه
مؤسس منتديات عشاق برشلونه
avatar

عدد المساهمات : 659
التقييم : 32378
النشاط : 1
تاريخ التسجيل : 29/05/2009
العمر : 33
الموقع : http://ir3qalyom.topgoo.net

مُساهمةموضوع: رد: ابو ذيـــــــــــــــ حزينه ـــــــــــــااااااات   2009-07-24, 5:23 am

يسلمووووووووووووووو عمار ابوذيات روعه وربي مبدع
تحياتي
فراس الكتلوني

_________________

ضروف الدهر صارت برشلونه
وتجبرني من اشجع برشلونه
يضل تاج الملاعب برشلونه
ويضل ميسي احبه وهاي هيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ir3qalyom.topgoo.net
بغدادي
برشلوني مميز
برشلوني مميز
avatar

عدد المساهمات : 201
التقييم : 31382
النشاط : 0
تاريخ التسجيل : 20/07/2009
العمر : 28
الموقع : عراق اليوم

مُساهمةموضوع: رد: ابو ذيـــــــــــــــ حزينه ـــــــــــــااااااات   2009-07-24, 5:55 am

مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
/////////الله الله الله الله////////
******الله عليك على هذا الذوق الرقي********

=====================البغدادي==================
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابو ذيـــــــــــــــ حزينه ـــــــــــــااااااات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عشاق برشلونه :: `·.¸¸.·¯`··._.· (الأقــســـام ألادبــيــة) `·.¸¸.·¯`··._.· :: منتدى [ الشعر الشعبي ]-
انتقل الى: